जंगलातील दहशत शहरात आली : शेतकऱ्याचा शरीराचे तुकडे करणारा वाघ शहरात दाखल

चंद्रपूर

ताडोबा म्हटलं की वाघ डोळ्यापुढे येतात.या वाघाचे फोटो समाजमाध्यमात झळकतात. फोटोत फारच देखणे दिसणाऱ्या या वाघानी कुणाचा बाप, आई, मुलगा हिरावीला. हिरवं रान माणसांचा रक्तानी लाल झालं.रानाला रक्तरंजित करणारा हा जीव आता थेट शहरात पोहचला आहे. दोन दिवसापूर्वी शेतकऱ्याचा शरीराचे अक्षरस तुकडे करणारा वाघ गोंडपिपरी शहरात दिसल्याने दहशत पसरली आहे.

काय आहे घटना

गोंडपिपरी तालुक्यातील चेकपिपरी गावातील शेतकरी भाऊजी पाल यांच्यावर वाघाने हल्ला करून त्यांचा निर्घृणपणे जीव घेतला आहे. अधिक भीषण बाब म्हणजे, वाघाने शेतकऱ्याच्या शरीराचे तुकडे तुकडे केले, आणि ते तुकडे शेत परिसरात विखुरलेले अवस्थेत सापडले आहेत.शेतकरी भाऊजी पाल हे नेहमीप्रमाणे आपल्या बैलांना शेतात चारण्यासाठी घेऊन गेले होते. त्यांनी बैलांना चारण्यासाठी मोकळे सोडले आणि घरी परत आले.

सायंकाळी ते पुन्हा बैलांना परत आणण्यासाठी शेताकडे गेले, परंतु ते रात्री उशिरापर्यंत घरी परतले नाहीत. कुटुंबीयांनी आणि गावकऱ्यांनी त्यांचा शोध घेतला, पण काहीच पत्ता लागला नाही.कुटुंबीयासह गावकऱ्यांनी शोधमोहीम पुन्हा सुरू केली असता, शेताच्या परिसरात भीषण दृश्य दिसले. शेतकऱ्याच्या शरीराचे अनेक तुकडे विविध ठिकाणी विखुरलेल्या अवस्थेत सापडले. यामुळे गावात आणि परिसरात एकच खळबळ उडाली.

वाघाने शरीराचे तुकडे तुकडे केल्याच्या या प्रकारामुळे वनविभागाचे अधिकारीसुद्धा स्तब्ध झाले होते.

ही घटना अतिशय दुर्दैवी असून अशा प्रकारे शरीराचे तुकडे विखुरले जाण्याची घटना या भागात पहिल्यांदाच घडली.

वाघाचा सोबतीने काम करणारे ही हादरले

खरंतर चंद्रपूर जिल्हातील शेतकऱ्यांचा सामना रोजच वन्यजीवांशी होत असतो. शेतात वाघ, बिबट, अस्वल फिरत असताना बिनाधास्त काम करणारे शेतकरी याच वन्यजीवांचा दहशतीत वावरत असल्याचे चित्र जिल्हात दिसत.

ताडोबासाठी आंदोलन 

ताडोब्यात देश, विदेश्यातील पर्यटक येतात.मात्र येतील तिकीट दर जिल्हातील जनतेला परवडणारे नाही.खासदार प्रतिभा धानोरकर यांनी या विरोधात आंदोलन केलं होतं. ज्यांनी आपलं रक्त सांडवून वाघाची सुरक्षा केली त्यांचा जीवाची पर्वा वनविभागाला असा सुरु आता उमटत आहे.